帶爸媽自由行-曼谷 DAY3

今日行程都係很HEA, 主要係想去翟道翟, 行下SIAM 同去做按摩咁。

今朝所以不是很早出發, 但昨天在酒店見到有起碼兩架旅遊車出現, 早餐嗰種可怕, 昨天還好地地, 今朝的早餐連我老豆都冇心机食, 因為团友好似搶食咁, 拿拿拿, 我一講D 人就會話係強國人(陸客), 但事實上係台灣人, 有老有嫩, 都几討厭。

食完之后, 我地決定買張DAY PASS, 140B, 因為由我地呢度去翟道翟都几遠, 而且要去几個地方, 所以就買個DAY PASS。不過今日肚痛, 唔係好想行....

去翟道翟, 人又多, 同睇得唔食得, 行左一個鐘, 老豆要探厠所, 比左錢去翟道翟個唯一付費的厠所...之後就走人, 其實我同個妹都唔係好明, 做咩咁多人鐘意去呢度睇野, D 野有D 好殘似二手, 又唔係好乾淨。就當去過就算, 但沒有下一次, 哈哈。

昨天去左個貴價超市, 今日呢終於去左一個人人都愛的BIG C, 係SIAM 呢間先有得PACK 箱, 但我地冇乜買人人都買的東西, 因為零食真係唔多愛。最后我地坐車返去放下東西, 再去番盲人按摩...

呢個盲人按摩有兩間, 其中一間呢喺CBD (好COMMERCIAL BUILDING) , 但呢間冇DISCOUNT, 我地去左另一間近SILOM 的, 做緊999B 1小時AROMA OIL MASSAGE + 半小時頭頸/FOOT/THAI, 我覺得好好唯一係冷氣几乎凍死我地。

按完就去食野LU...去左Terminal 21, 但係呢....因為唔想去揾, 去左個MALL 食, 其實我都想去揾GA, 不過我老豆唔LIKE 揾得耐, 而且都好晏所以呢, 就去左呢間BAAN YING, 好似話係唔錯, 其實入到去好多香港人, 多數D 人都叫魚, 但左兩日都有同佢食泰國菜, HA, 好似好衰咁...同埋我地唔係慳, 因為我地早餐食得好飽, 所以好多時午餐就冇食...

呢度呢間野, 叫中價錢, 而好細份, 如果同PAUL 比, 我同妹妹都覺得PAUL 比較低食。

帶爸媽自由行-曼谷 DAY2

雖說今次係佛系遊, 但都有做少少RESEARCH 既, 今日想去KHAO YAI, 但都要成2.5小時車, 咁我地都租左車去, 因為睇過KKDAY 都唔係好抵, 成500蚊港紙一位, 都咪話唔貴。(上次去清邁平好多....)

最后, 揾左呢間-- JingjingBKK 包車, 包車最多去四個點, 因為都几遠。抵, 佢唔算貴, 係要比訂1000B, 咁我兩星期前訂, 用PAYPAL 比錢, 癈事去找換店攪又要比手續費。10小時3800B。

早上的早餐還可以, 未到9 點出發。

去以下景點:

SUN FLOWER FIELD : 要比入場20B, 都OK, 無限時, 又靚, 連司机哥哥都影埋一份, 哈!
PB VALLEY: 由於冇人講比我知要BOOK TOUR 同LUNCH, 去到只係行左一陣, 食下小食....咁, 都OK, 但我不建議買酒, 因為她們的地上草是加了除草劑的(興趣病, 對於有机的鍾情)。
PALIO KHAO YAI : 呢個係好好的打卡地, 特別係未去過歐洲, 可以去呢度扼下人咁。
SUWAN FARM: 呢個點係KKDAY / KKOOK 介紹, TRIPADVISOR 都有, 但唔知點解就係去唔到, 最后回程了。

回程大大大大塞車, 司機冇加價, 所以我們比左50B TIPS。

黎到SIAM, 想揾食都唔難但價錢, 都几貴, 結果去左PAUL (我喺LONDON 食過DESSERT), 雖說貴, 但VALUE FOR MONEY, 絕對可以試。吃完就去左間貴超市睇, 走的時候, 好恐怖, 勁多人在地鉄。(我個人會喜歡清邁多D)

但如果可以, 下次想去KHAO YAI 的國家公園順便住一晚。

帶爸媽自由行-曼谷 DAY1

其實我好耐冇同過佢地自由行, 上一次應事隔10年去澳門同深圳, HAHAHA, 因為我覺得特別同我老豆去, 最好近團, 但上次LAI 過一次野, 我係連去都唔想去, 因為上次佢走失左當著所有人黑臉兼爆粗。

今次坐國泰, 其實同我老豆去都几煩, 又唔食得小販野, 又覺得BUDGET AIRLINE 唔好, 所以呢個係半富豪之旅。

而住呢就住IBIS STYLE, 距離SIAM 都有6 個站, 一般香港人都唔會住呢度, 因為遠...

有1X 年冇去過曼谷, 上一次去已經係2000年....HAHAHAHA....重要係跟團, 當時拎行李重要比TIPS, 超級落後。

去到机場都ON 99 咁, 有一個好大指示寫話FASTER (行遠D), 結果, 內心有一個屌字, 重慢過第一個關口。

去到酒店已經5點几, 原先以為有SHUTTLE 在BTS 站接, 原來只包去BTS...-___-, 吹脹, 好彩行都吾遠, 但佢地BTS 站好多都有電梯/LIFT...搬行李就想死。

CHECK IN 左之后就去左下一個站行下(EKKAMI), 呢個AREA 好多都好日本, D 日本野食平過香港, 但菜果就唔係囉...唯一我不喜歡THAILAND 係餐廳冇水飲....可能佢地只飲樽裝水, 所以冇免費水提供。(呢餐係我地吃得最平的)

食野, 之后返酒店, 因為明天租左車去玩。

遠走高飛-快閃遊 (都柏林, 比利時, 荷蘭, 英國-北愛爾蘭) - Day 12

第二日就自行離開了，因為公司的shuttle太早到机場，早到又冇野做，又冇野行，又冇得checkin 結果去左個小鎮去下shopping。叫去多個地方玩下 - Newry。

坐車期間，因為我在拍照，有個啊伯就同我講英文但其實Irish English 係唔係人人都懂，聽到我耳都側，有個女人翻譯比我知，最後佢重帶我去一個市集不過冇咩開。

拉住個重量十足的箱點都走不太遠，行左個MALL 仔, 去左M&S 買左啲野就走。

BTW, 喺酒店付近D 野, 平到不之得了, 但要我來多一次我唸應該沒有可能的。

遠走高飛-快閃遊 (都柏林, 比利時, 荷蘭, 英國-北愛爾蘭) - Day 11

一年一度的壓軸活動, 今年比上年好, 上年玩ROWING, 今年節目豐富好多。聽完D 人講野之後就開始活動 - 踩單車, 參觀本地手工BEER 酒廠, 同埋做SODA BREAD (IRISH 獨有但不是好好味, 而且有好多梳打粉), 時間有多就玩埋迷宮, 但勁多人CHEATING。

踩單車有三條路線, 初中高, 我選了中, 但很後悔, 因為勁多斜坡, 最后我都係推車, 哈哈哈...(轉左BALL 都踩不動)。

本地手工BEER 酒廠, 試晒咁多酒, 基本上我每次食飯都不飲, 今次就係咁二有試下。

嗰個SODA BREAD 呢, 係用SODA FLOUR 加BUTTER MILK 做, SODA FLOUR 話係IRISH 等有, 超咪同自發粉一鬼樣, 係冇BUTTER MILK。但我不喜歡。

晚上間heha 完，還上演傳統的愛爾蘭舞，我中途已經離開因為我忍左眼瞓好耐

遠走高飛-快閃遊 (都柏林, 比利時, 荷蘭, 英國-北愛爾蘭) - Day 10

今日下雨😂 唔通個天想我停下來不要再游玩？

去左TITANIC 個門口就冇入去, 因為入場都不少野, 喺IRELAND(NORTHERN/SOUTHERN) 都主打TITANIC, 同GAME OF THRONE, 所以唔入去個館都冇咩大問題, 就當黎左。

之後係SHOPPING, 去左几個MALL, 但都係嗰句, 你去到係冇心机, 因為冇野好玩。

Belfast city airport 我估係今日先黎因為冇咩机會特登去呢個地方，我終於唸到Belfast 的好，就係個Day ticket可以去机場。😂😂

呢度啲network 又屎又慢，間中重只有緊急通話。

明天終於回到公司的TEAM BUILDING 了。

遠走高飛-快閃遊 (都柏林, 比利時, 荷蘭, 英國-北愛爾蘭) - Day 9

由廿几度去几度的温度，Belfast係北愛，係英國的。今日JOIN 左個TOUR, BNB HOST 重車我出去, 省掉了車錢, 真高興。

呢個TOUR 我喺荷蘭嗰時見到GROUPON 賣的, 咁就訂左HAHA....

但同一個國家我敢講佢又死又落后。以為昨天是星期日冇野開放過佢，今日去完團未到六點半，馬莎都閂門大吉，死過倫敦的bank street (人地起碼有野食)。得D 高級食店開

今日個團主把世界文化自然遺产，同Game of throne 相關的東西，其實我連呢套野係乜唔識🤣🤣，不過價錢好抵groupon $12.5(市價最平係20, 而且不包過橋錢)，又可以對住個靚景吃bnb 比我的三文治實在高興感恩。我最失望係Dark Hedge, 因為谷哥出來好靚，實景係冚的冚，斷的斷。

去到City, 被騙了買左個得四啖值三磅的 Lasenga😠, 重要找左啲非我見過的英磅，其實去到倫敦係用唔到，既然咁唔鍾意同睇唔起，咁唔比人脫英？政治的事就係咁。。。(為免返香港用唔番, 所有喺度收到的紙幣必需洗左佢, 再唔係就用咭)

老實說我真係找不到一個理由叫人黎，就算有game of thrones, 都唔一定吸引到人，而且又唔會好似Lord of the Rings 咁保留場景收錢收客。

明天要歸團，玩多三日就bye bye 😂🤣