鑽石山有機菜團!

今次要(1/1) 6點前下單, 2/1 下午2點半後鑽石山/馬鞍山錦英(當天要去做事, 只能接一兩單, 少有的去馬鞍山:) ) 交收。價錢30-40蚊斤 。平過好多有機店, 人地賣40-50蚊LBS。

每樣菜有D, 我未食過晒...不要問我好唔好食。
紅油麥菜(30/斤)
綠油麥菜(30/斤) ...
芥蘭(30/斤)
早水蘿蔔(30/斤) - 又叫巴子蘿蔔, 細個, 叶可做雪菜
遲水蘿蔔(30/斤)
粟米(15/支) - 推介
西蘭花(40/斤)
蕃茄(40/斤) - 推介
紅菜頭(40/斤)
薑(65/斤)
熟木瓜(30/斤) - 食過好味
香蕉(30/斤)
奶蕉(30/斤)

手工有機麵鼓(0.75/克) - 要幾多都得

請填FORM作實,
https://goo.gl/ATu1Ou

港女本色-發爛渣 (2)

原來重未完, 當我昨天去跟進的時侯, 從過程中, 我覺得佢係一個女大賊, 佢係有計劃地去進行這一系列的發爛渣。

由佢一開始唔覆電郵已經是一個天仙局。

同事安慰佢話"咁啦, 呢個價錢比一件你"

佢: 你一早咁講我會ACCEPT, 但你拖左我咁耐...(<----佢拖我地, 唔係我拖佢, 一收到ORDER, 就EMAIL 佢, 見佢兩日無覆就打電話比佢, 就係比佢鏟到一臉屁)

佢: 你地做錯野, 咁大間公司都豪唔起幾百蚊? (<--- 我好想講: 唔係豪唔豪得起的問題, 係T&C 你ACCEPT 左, 你冇睇到最終的決定權係我們)

我本來不屈服於呢個38港女, 不過, 我打工啫, 如果係我當生意? 我小9 佢啦! 呢D 咁既客真係多一個唔多。

到話(可憐)比佢(一個目前某本地公司的"SALES DIRECTOR")啦, 佢又話人慢, 又話喺LANEXXXX 都送到咁點啊? 係咪唔要? 多野講...SO 左比你重啊之啊DRAW, 呢D 咪叫嗅8婆囉。


我希望你未年的銷售或股票, 好似呢件貨咁, 由110-->88--->2.4 咁跌到PK, 重有嫁唔出。

港女本色-發爛渣(1)

我終於領教到港女的好野, 其實這是一個循環, 我不會介意, 但會替妳紀錄。

話說, 網上的價錢錯了, 發了電郵兩日都無回覆, 今朝就打電話給她代她回覆。

點知...我都未講完, 佢就話我講得慢, 又話我講到EE RR...咁我同佢講, 其實已經SEND 左EMAIL 架啦, 不如你覆啦, 頂佢個"計", 話無時間覆。

最後, 咁我循例都EMAIL 話番佢知打過比佢但唔得覆回應, 叫佢盡快回覆, 我們可以盡早送上(全部都係用WOULD, PLEASE 呢D 字), 點知, 佢竟然係咁話我RUDE, UNPROFESSIONAL, BLAH BLAH BLAH...又話公司係唔應該用無來電顯示 (其實佢知唔知都重有好多公司唔用有來電架呢?)...無來電就=UNPROFESSIONAL 。

重要話咩CS 冇CALLER DISPLAY 唔PRO, 我好想講, 你有冇常識架? 有CALLER DISPLAY 唔代表係PROFESSIONAL....唔代表一定係騙案!

我今日終於領教左一個750蚊同28蚊的港女........

師奶很偉大!

很多事業形的女士總覺得做師奶有多壞, 有多不好。

事業形的女士除了有錢, 有地位, 有自信? 相反師奶這一個詞, 除了貶義, 好像從來沒有人會讚師奶?

作為一個師奶, 必須要為師奶平反。一個師奶絶不比OL 差, 她們的能力分分鐘是一個CEO 的。因為師奶要管理一個家庭, 而OL, CEO 所謂的管理都只在於對著數字。

一個師奶是一個家庭的營養師, 財務管理, 家務助埋, 補習老師, 等事無大小都要理。

營養師: 為你們選同煮好吃好味, 健康的, 還要為煲什麼湯水而煩擾

財務管理: 為屋企省下金錢, 月月再頭痛慳到何時可以去旅行

家務助埋: 以健康為主, 清潔家居

補習老師: 能力範圍內, 教育小孩

賢內助: 除左入得廚房, 重要出得廳堂, 見得下人

如果你家中有一個師奶, 你真的很幸福, 你應多加愛護!

工作上的滿足感

工作這麼多年, 很多人已經麻目了。而最近當大家說年青一代的不是同時, 整個世界不停在變, 變得沒有人情, 變得功利。

年青人希望不用辛苦, 有些也急功近利, 口甜舌滑。

最近, 工作了一些時間轉做自由人才有一些滿足感, 人工大不如前, 但老闆放心給你自由度去發揮, 給你信任, 這一刻會覺得人工是主要走的因素嗎? 那一份滿足感, 除了生意有升, 看到自己由4位的收入增到5位是自己功勞時, 不一定要有一定的人工, 而是那一份滿足感是開心的。

而且很多人上位後(即係只係做到SUPER/GER GRADE 嗰D 咋喎, 都未計再高級的), 就好似最近的電視上陪著你走陳豪的角式, 不自覺地變得"以為"自己好FRIENDLY, 其實不知幾黑人憎。我有的朋友就用了這些態度而不自覺地表現出來。

以前, 我的老闆(S) 中, 都有很多好似陳豪呢D 人, 男人還好一點點(只是處事上比較豪爽), 如果遇上男上如女人般的, 就真是 "喔噢!"

1) 做咩咁早收工? 早收就覺得你得閒, 無"CONTRIBUTION"
2) 做錯野就記得你一世, 永不番身, 次次揾黎講
3) 成日要DRAFT D EMAIL 比佢過目先出
4) 行開一陣就係咁打鑼找你, 怕你走左去蛇但食煙嗰D 又唔見佢話(因為嗰D 就是馬屁精但又冇PRODUCTIVITY。
5) 連睇下醫生返晏少少都要你請假
6) 覺得你人工高就應該要OT
7) 永遠唔識得安排野給你做, 反而要你主動"R" 撈, 咁就叫PROACTIVE 啦! 但唔會覺得係自己POOR MANAGEMENT
8) 自己錯永遠唔認衰, 重話番你轉頭
9) 利用你的興趣黎挑機, 叫你去做你的興趣唔好返工
10) 成日希望你讚成佢的癈IDEA, 問左等於冇問, 只是想你認同

你可能會問, 重有這些老闆嗎? 有, 這全是個人親身經歷。好的老闆, 一早死了。

最可惜是另一個問題, 公司希望賺到盡! 所以你明明有滿足的時候就不停悴你, 真係人都死....所以我興幸還不用被悴的一群。

價值面面觀 (2)

最近同一個朋友傾開金錢的價值, 原來我已經叫"OLD SCHOOL" 了。 話說我話"現在的人真的很富貴, 常常打的, 小孩子也是。如果小時候用完錢, 會厚著臉問媽媽拿。"

原來他有兩個年青老師出生於90年代初, 住港島東附近, 返工在青衣, 人工不錯月入都有兩万多, 為了方便及不迫車, 天天都會坐的士回去及回家。一份人工已經花了1/3, 還未計算食飯, 娛樂, 裝身, 那裡有錢買樓? 又懶政府不協助? 或者....因為家中算是小康或以上, 她們很老友但不會一齊坐的士。這就是"OLD SCHOOL" 同"NEW AGE"的價值!

這些價值是從小引入, 他說現在孩子不會厚著臉問媽媽拿, 因為家中總有一個"自動吐錢"的碟, 如果有一日空了, 他會問為什麼碟上無錢的?! 而不是同媽媽說"我這個月清光了, 可以上支下月嗎?" 又或者是"餓著"留到下月洗。

當你在BABY 期, 父母還天天帶你出去食, 你就要好好關注一下你自己的健康了, 現在小孩子都識老麥還天天嚷著去。

得來太易的結果就是這樣。所以曾經生活相對究窮困的會了解明白, 在生活總有一些小智慧, 而生活富裕的, 總倚賴科技及方便, 腦筋相對是比較...

以上例子, 反映每個富裕生活的問題, 你會思考嗎?

價值面面觀 (1)

從來沒有人想過我這一個年齡會有別的價值!

很多人有著不同的價值, 而這些價值大多是享樂。

給你一個思考, 保險, 健康, 旅遊, 食物, 你會如何安排呢? 好像4 樣東西都沒有關係, 但4 樣野其實都以金錢為首, 而它們暗暗地有不同的關係, 你點排位置呢?

很多人願意花錢在保險上, 方便, 而且是大量。因為大家總覺得人人最後都有癌症等重病。  有很多人都願意花錢在旅遊享樂, 食物是滿足口腹。健康就是只會間中做下身體檢查...當作保險。而我會不用思考的說健康, 食物。小時候都很容易要看醫生, 一星期總有一次是流鼻血看醫生的。到大了就因為不聽父母話, 不駝背, 現在還要看醫生。唉...所以賺更多的錢都是貼醫生開飯, 我非常不喜歡! 我就為了未來的我, 由食品著手。

最近也努力進行團購有機菜, 可惜沒有人有興趣, 或許, 大家都是喜歡把錢送給醫生和保險公司。