2025年8月14日 星期四

反覆思考

呢個几星期,  不斷都有間中反覆思考, 到底當初是否應該食标耙藥?

因為其中一個負作用係會使肺受損, 而我地也意式唔到, 唔夠細心, 當有气促就要去睇醫生。其實當日已經叫個妹同佢去睇醫生, 但真係万万唸唔到會係咁, 入左急症原來就係死門關的來臨。

好多時因為長者會死頂或感覺比較遲而導致呢個情況, 好多解釋唔到的問題, 照顧者都有她的壓力, 所以人生真係好多好難決擇的時間。

但我万世都估唔到, 係咁.........入左醫院就永完出唔番黎, 加上醫院安排失當, 有呢個失誤。以為去醫院係最安全, 到最后竟然係最危險的地方。

由2024-2025, 好多突發的事情出現, 要有很多決定 - 退田, 做手術, 媽媽的病(S), 工作............做人真係好煩。

我媽媽就選擇突然離開我們。心裡仍然難受, 不解。😭😭😭

https://event.commonhealth.com.tw/2022lungcancer/

2025年8月2日 星期六

多謝您。Love you!

 2/8/2025 零晨4:30

當你明白失去, 就無法回頭

今日係一個好傷心的日子, 媽媽突然離去了。我怕我會忘記, 所以想記錄。我怕我有一日同你一樣都會失去記憶。(可能好多錯字, 因為我中文真係好水皮)

自從2024年10月發現媽媽有病-分別係認知障礙及疑似癌症, 我們作出很多改變, 但時間太短, 就只有這8-10個月。

因為癌症一直沒有确定, 所以我們先選擇署理認知先, 不知道這個是否一個好的選擇, 但起碼佢臨走都係可以認到我地既。不過佢無見我地最后, 去到的時候已升仙了。

一直以來媽媽都好好, 不會太打同罵, 都給我們很多自由, 陪伴, 都唔會強迫我睇書, 因為佢覺得讀到係你的。 從來沒有離開過我們好耐, 最耐既係佢去做手術由外婆照顧我們, 而我最耐既就係去澳洲的時間。就算科技如何發達, 都不及在旁。今日要永別。很多選擇都係我們自己去發揮, 因為她不懂。但她勤力, 所以佢一直唔鍾意係牛年, 因為她就是牛年出來,就像牛一樣。

媽媽常說自己辛苦, 可能這是她小時的記憶, 一直帶著孩子, 不過媽的每一句話都在我心裏, 她說過"你們有孩子我不會帶", 我覺得都是悔气的話, 不過我沒有孩子給你帶。一直以來她都有在家車衣到我小學3-4年級, 之后都特別去沒有太多FT工作, 唯一記憶是CTI, 常說是一間很"吝嗇" 的公司。媽媽雖說讀書不多, 但都算很聰明, 她會找很多方法去持家 - 書簿津貼, 車船津貼, 也很好動勤力, 會去上再培訓課程等等, 都熱愛投資但會損手, 哈。所以我的投資基因都是由她來的, 但我仍會選擇讀書去學習, 她都會學習, 所以我都好懷疑我既性格係大部分來源自她, 周身刀無張利。

因為小時候的她常生病, 聽聞她的頸會很軟會像斷的一樣。而她中青年期間都常病, 所以她願意去做運通-六通拳,太極,八段錦,太極劍, 通通都上, 每朝去都係想身體好, 可惜沒有, 又或者你平日太HEA 😂。不過近呢20年都少了參加, 因為我..........迫她一起種菜, 轉地都轉左3-4次, 每個星期六都陪我去, 后來近呢10年, 妹妹都加入。呢一個係呢20年唯一同我玩既活動。有人話係幸福, 我覺得都係, 因為媽媽願意同我去玩, 願意同我去顛, 我都好感恩她願意。都願意幫我擋狗, 擋青蛙。都會按我地要求去做不同的運動, 你係一個好乖既小孩。

唯一媽媽強迫我既就係小時候吃菜, 我不喜歡菜, 她會餵我吃, 其實我好似去到7歲都咁做, 哈..........不過我身體都不是叫很好, 但我感謝您做的一切。

雖然我們不是大富大貴, 但都會一起間中旅行, 唯一唯然只有一次係全家去坐機去旅行, 但媽媽自己都會自己去。原本今年是會一齊去, 郤因為我的個人選擇及气話而沒有報名, 今日可能已經無法回頭, 不過我地都一齊去過很多大大小小的旅行, 留下不少腳毛。

3月做手術, 你好叻! 涯得過, 比起6月的我, 我就變得好癈。标把藥令你的食量減, 体重減, 很多不知名的東西的來, 我們都一起找方法去署理癌加認知問題, 不論你有多累, 都作出配合。

呢大半年, 都有您一起去遊山玩水 - 馬灣, 白沙灣, 長洲, 平洲, 北上飲飲食食。雖說你都忘記, 重要比我地不停迫啪您去記番做過咩食過咩, 成日問點解, 就係唔想你忘記過我地一齊的活動, 你不願影相都會影, 我都會偷拍。

呢8-10 個月的病历, 不算漫長, 我今日都反覆思考到底當時的選擇是否正確, 是否應該堅持不吃藥? 昨天有沒有錯? 呢一切只能再見到你的那一天才知道。原本我係想拍片講認知障礙初期, 等你做下主角, 不過已經太遲, 很多事都真係剛剛遇上剛剛, 就係我失業的時候, 相對無咁忙, 同埋決定唔再種菜, 好似好多野都係計算內, 但係又好似唔係, 不過我多謝您喺我人生出現, 同做我的媽媽。

雖然你成日叫辛苦, 但其實你想想我們出身后, 你都在享福, 可能你不感受到, 但可能是在掩飾。

雖說你好想早離開, 但我知道你內心都會為我們牽掛。

我相信呢個係對你最好的安排, 都係你意願 - 睡夢中離開<?> [希望你唔係有痰KICK 住而走] 提早離開, 不用認知障礙晚期因為長期被照顧而辛苦。


多謝您。Love you! (好少講都沒有机會再講)

2025年5月1日 星期四

隔山買牛之-RAYWHITE

最近呢一年署理隻牛都覺得好頭痛, 因為呢隻牛的代理人做得好差, 所以, 所有的SALE 屎都不可信, 最可信的人永遠是自己!

呢隻牛喺2023年年頭購入, 當時是被一個廣告吸引, 做AIRBNB, 當刻覺得都几正喎, 又可以膁錢又可以探下隻牛, 結果因為COVID, 呢個樓花拖左大半年才成交, 更累我改機票損失4000大元。

到正式開始成交前, 我都不斷追問, 期間重被轉走左其中一個原有的AGENT, 但新AGENT 又非常不負責任, 10問9唔應, 以及應D 唔應D。佢比左個AIRBNB 價單我, 我都噢晒咀。話說隻牛會REBATE 10000 左右, 點知佢個裝置及FURNITURE 係收緊25000, 即係你要倒貼。之后我同時都揾過好几間佢既收費係最貴但合約比較簡單, 而大部分的合約都係保障"管理公司" 而不是投資者。

中間呢個AGENT 又發爛渣又叫你唔好同佢簽都可以之煩, 最后因為"唔想煩"同"趕時間", 都用番佢, 因為喺澳洲係要比空置稅, 不像香港的可以長放都冇人理。

到正式做的時間, 大約半年, 其實都有咩進賬, 因為收費太多之餘, 重要供, 結果半年黎都係"負"數。又再一次找呢個AGENT, 要求轉番LONG LEASE, P 佢個K, 又話唔明點解當初你做AIRBNB 啊, 佢好似失L憶咁。你講乜都得㗎啦, 你個NET PROFIT 唔係講緊NET YIELD, 我既NET YIELD 係要扣除我所有成本啊,大佬。

香港人移民澳洲🇦🇺 | Ray White HK 黑店同埋 MAC builder都係繼續扯貓尾賴皮唔肯退錢, 而家墨爾本爆咗鑊, Ray White HK 就走去珀斯嗰邊賣 house a... | Facebook


呢篇野等左一年, 都唔得寫, 係因為之前沒有分手, 依家分左手, 轉番長租, 個心都定番晒, 但不是用RW 了, 但其實我只係想分享, 所有SALE屎都係一拿樣, 講就無敵, 做到卜直。

2024年6月10日 星期一

有關投資AIRBNB

最近你可能見到很多廣告, 說AIRBNB 回報很高, 但其實現實同市場推廣是有很大分別。


如果你真係想投資海外物業, 就要唸清楚個AIRBNB 回報。很多時銷售及市場推廣都把回報誇大了。


1. 地區及房SIZE:

以我的個人經驗, 一般家庭客才需要2房, 而現在少子化以及低出生, 2房的需要真係少, 加上喺RESEARCH 上, 多數係2 人旅行比較多, 所以1房的需求相對比兩房多, 但都要睇國家。而地區, 真係好重要, 市中心的出租一定比其他地方。某D AGENCY 好衰會講到某個學區好多老豆老母會去探仔女, 就會租長D, 信佢就真係食得屎。


2. 使費

一直都沒有想到係使費好高, 包咩使費呢? (tax exclude)

1) AIRBNB CHARGE (有D 會包左喺佢個MANAGEMENT COST, 有D 就係CHARGE 番客)

2) MANAGEMENT CHARGE (最少都要18-30%睇國家同AGENCY)

3) 每CALL 一次做野就收一次錢, 例如: 交BILL, 多數都有包但有D好無良既澳洲大AGENCY就唔包

4) Amentiy, 其實你係無估到呢D 咁雞碎佢都同你計, 哈。

5) 水電煤等雜費, 係真係香港先咁平㗎咋, 出到去真係大開眼界, 就咁WFIF 都要HKD 400-500重係限速等。


3. 空置

呢個先係最大最大的問題, 佢地用市場推廣話你知佢的空置係少過30%, 有D 重誇話99% booking, 係啊, 係佢個Account有20間但平約係80%,高风係99%嗰D, 就算佢同你講話70 都係佢個戶口, 唔係一定係你間屋


所以可能平均你一個月拎到同長租分別不大。當然個Operator都好重要, 但多數都係好參次。

2019年10月1日 星期二

帶爸媽自由行-曼谷 DAY3

今日行程都係很HEA, 主要係想去翟道翟, 行下SIAM 同去做按摩咁。

今朝所以不是很早出發, 但昨天在酒店見到有起碼兩架旅遊車出現, 早餐嗰種可怕, 昨天還好地地, 今朝的早餐連我老豆都冇心机食, 因為团友好似搶食咁, 拿拿拿, 我一講D 人就會話係強國人(陸客), 但事實上係台灣人, 有老有嫩, 都几討厭。

食完之后, 我地決定買張DAY PASS, 140B, 因為由我地呢度去翟道翟都几遠, 而且要去几個地方, 所以就買個DAY PASS。不過今日肚痛, 唔係好想行....

去翟道翟, 人又多, 同睇得唔食得, 行左一個鐘, 老豆要探厠所, 比左錢去翟道翟個唯一付費的厠所...之後就走人, 其實我同個妹都唔係好明, 做咩咁多人鐘意去呢度睇野, D 野有D 好殘似二手, 又唔係好乾淨。就當去過就算, 但沒有下一次, 哈哈。

昨天去左個貴價超市, 今日呢終於去左一個人人都愛的BIG C, 係SIAM 呢間先有得PACK 箱, 但我地冇乜買人人都買的東西, 因為零食真係唔多愛。最后我地坐車返去放下東西, 再去番盲人按摩...

呢個盲人按摩有兩間, 其中一間呢喺CBD (好COMMERCIAL BUILDING) , 但呢間冇DISCOUNT, 我地去左另一間近SILOM 的, 做緊999B 1小時AROMA OIL MASSAGE + 半小時頭頸/FOOT/THAI, 我覺得好好唯一係冷氣几乎凍死我地。

按完就去食野LU...去左Terminal 21, 但係呢....因為唔想去揾, 去左個MALL 食, 其實我都想去揾GA, 不過我老豆唔LIKE 揾得耐, 而且都好晏所以呢, 就去左呢間BAAN YING, 好似話係唔錯, 其實入到去好多香港人, 多數D 人都叫魚, 但左兩日都有同佢食泰國菜, HA, 好似好衰咁...同埋我地唔係慳, 因為我地早餐食得好飽, 所以好多時午餐就冇食...

呢度呢間野, 叫中價錢, 而好細份, 如果同PAUL 比, 我同妹妹都覺得PAUL 比較低食。


2019年1月7日 星期一

帶爸媽自由行-曼谷 DAY2

雖說今次係佛系遊, 但都有做少少RESEARCH 既, 今日想去KHAO YAI, 但都要成2.5小時車, 咁我地都租左車去, 因為睇過KKDAY 都唔係好抵, 成500蚊港紙一位, 都咪話唔貴。(上次去清邁平好多....)

最后, 揾左呢間-- JingjingBKK 包車, 包車最多去四個點, 因為都几遠。抵, 佢唔算貴, 係要比訂1000B, 咁我兩星期前訂, 用PAYPAL 比錢, 癈事去找換店攪又要比手續費。10小時3800B。

早上的早餐還可以, 未到9 點出發。

去以下景點:

SUN FLOWER FIELD : 要比入場20B, 都OK, 無限時, 又靚, 連司机哥哥都影埋一份, 哈!
PB VALLEY: 由於冇人講比我知要BOOK TOUR 同LUNCH, 去到只係行左一陣, 食下小食....咁, 都OK, 但我不建議買酒, 因為她們的地上草是加了除草劑的(興趣病, 對於有机的鍾情)。
PALIO KHAO YAI : 呢個係好好的打卡地, 特別係未去過歐洲, 可以去呢度扼下人咁。
SUWAN FARM: 呢個點係KKDAY / KKOOK 介紹, TRIPADVISOR 都有, 但唔知點解就係去唔到, 最后回程了。

回程大大大大塞車, 司機冇加價, 所以我們比左50B TIPS。

黎到SIAM, 想揾食都唔難但價錢, 都几貴, 結果去左PAUL (我喺LONDON 食過DESSERT), 雖說貴, 但VALUE FOR MONEY, 絕對可以試。吃完就去左間貴超市睇, 走的時候, 好恐怖, 勁多人在地鉄。(我個人會喜歡清邁多D)


但如果可以, 下次想去KHAO YAI 的國家公園順便住一晚。


2019年1月4日 星期五

帶爸媽自由行-曼谷 DAY1

其實我好耐冇同過佢地自由行, 上一次應事隔10年去澳門同深圳, HAHAHA, 因為我覺得特別同我老豆去, 最好近團, 但上次LAI 過一次野, 我係連去都唔想去, 因為上次佢走失左當著所有人黑臉兼爆粗。

今次坐國泰, 其實同我老豆去都几煩, 又唔食得小販野, 又覺得BUDGET AIRLINE 唔好, 所以呢個係半富豪之旅。

而住呢就住IBIS STYLE, 距離SIAM 都有6 個站, 一般香港人都唔會住呢度, 因為遠...

有1X 年冇去過曼谷, 上一次去已經係2000年....HAHAHAHA....重要係跟團, 當時拎行李重要比TIPS, 超級落後。

去到机場都ON 99 咁, 有一個好大指示寫話FASTER (行遠D), 結果, 內心有一個屌字, 重慢過第一個關口。

去到酒店已經5點几, 原先以為有SHUTTLE 在BTS 站接, 原來只包去BTS...-___-, 吹脹, 好彩行都吾遠, 但佢地BTS 站好多都有電梯/LIFT...搬行李就想死。

CHECK IN 左之后就去左下一個站行下(EKKAMI), 呢個AREA 好多都好日本, D 日本野食平過香港, 但菜果就唔係囉...唯一我不喜歡THAILAND 係餐廳冇水飲....可能佢地只飲樽裝水, 所以冇免費水提供。(呢餐係我地吃得最平的)

食野, 之后返酒店, 因為明天租左車去玩。