遠走高飛-快閃遊 (都柏林, 比利時, 荷蘭, 英國-北愛爾蘭) - Day 8

今日要回北愛爾蘭, 前兩日去左圖書館介紹的市集, 點都會去一趟, 但.....星期日, 除了遊客區, 呢度簡直係一個死城。

我要坐半小時的巴士才去到目的地, 而且一小時只有一架車, 所以正式來說我只有一小時左右的逗留時間, 重要....巴士十點先有, 簡直有點想打人。成朝冇車行, 冇單車, 如果要我生活在這裏都几悶。

我坐頭車, 冇人坐, 可想而知, 荷蘭人WEEKEND 都几懶, 最重要係原來佢地巴士係不收CASH, 結果要用CREDIT CARD, 真荒謬! 頭車, 我只要2.2 EU 就包了成架巴士, 到站後步行去市集...哈原來有個ECO FARM, 重食了很多RASPBERRY, 同給我一些苗同種子, 真係好開心!一個滿足的行程, 但回程堅趕, 因為車有DELAY, 差D 又趕不到机, 咁就大大件事。

由HOLLAND 去DUBLIN 都几快, 但DUBLIN 過境就問長問短, 點解我要先到DUBLIN 再去BELFAST, 因為呢程車係公司包, 同埋AMSTERDAM 去BELFAST D TICKET 勁貴同好少CHOICE。

DUBLIN 去BELFAST 的單程係17EU, (明明看到係9EU, 但只限公車), 今日很趕, 一定要8點前去到公車站, 因為過左9點, 就冇車去AIRBNB....天啊天啊, 太趕, 因為冇唸到會咁差!

到達Belfast,星期日的晚上八點(同今早的荷蘭一樣)，這裡如死城，老麥同星巴克都開既，其他係打烊的。由下午到晚上都冇咩食過野，包裏有昨天一片的方包救我一命。😂🤣

最好好好笑係，我成副英磅身家有301.x, 全部大紙，追到架巴士但上到去冇錢(荷蘭巴士就不收現金😫,我唔記得英國巴士收唔收咭了,因為London我係用octpus, 重要一去到buy weekly pass),我以為自己夠coins，同司機講我得咁多同多張五十磅，結果，司机很好人收左我半價(小童single)😝,去到airbnb,係我住過最多的暫時最好，下巴士就到門口不用行(不是我殘癈而係導航成日行錯路)，她還沖茶歡迎我，還說可提供免費的toast作晚餐,我叫佢比jam 我就可，好彩有乾糧--薯片，吃左一餐垃圾都冇計。明天還叫我做sandwich 去tour 😵😮😢 簡直係感動流眼淚⋯⋯

遠走高飛-快閃遊 (都柏林, 比利時, 荷蘭, 英國-北愛爾蘭) - Day 7

為什麼我叫這天做瘋狂的旅程呢? 如果你知道我住的地方要1.5小時才到AMSTERDAM, 就知道我點解要咁早出去, 今日星期六, 係OFFPEAK 全日都用得, 為左使到我的行程能完滿, 我花了14 小時, 瘋狂遊走3-4城市, 很顛吧?

一早六點出門了, 因為由DEVENTER 去ROTTERDAM 要兩個半小時, 天未光就走, 唔算恐怖, 都安全, 比起第一日要去机場(因為嗰日要穿過小樹林), 呢度都冇咩樹林, 去到度都係城市同人造野, 所以感覺好好多....

第1站: 風車村 Zaadam 
去到已經是9點几, 多人多到呢, 勁多团, 有人話要去小孩提防會好多, 如果你時間真係唔夠又只係想打卡, 就去呢度....快靚正! 嗰D 风車入去全部都要比錢, 所以影完想都已經10點几, 如果你想去下一個站影嗰間酒店, 其實時間是許可的。

第2站: Rotterdam
呢個站有小孩提防, 但火車站之后要坐多一小時, 所以我冇去, 只係去左CUBE HOUSE, 同MARKET, 呢個MARKET 同女人街差不多, 但起勁大, D 野貴過昨天, 但我買了一個魚柳, 在車上自製魚柳飽, 哈哈!另外買了些栗子...

而CUBE HOUSE 呢, 就在MARKET 隔離, 要睇內部, 就要比入場費, 我在外拍照就完了事...HAHAHA

注意: MAP 是比錢買的

第3站: Dan Hague 小人國
DAN HAGUE 有個海灘, 如果你想去, 我提議你們不要在WEEKEND, 因為好難上車, 但WEEKEND 除了有MARKET 同野玩, 所以多人。

我最后同左新朋友去小人國, 當去左成個荷蘭HAHAHAHA....入場要20EU 左右, 其實唔叫好大, 就只係一個普通公園。

第4站: Utrecht 市中心
有人話呢度D DESIGN BUILDING 好靚, 可惜去到都半黑了, 而MIFFY 就係呢度啦, 去左睇MALL 一陣, 有D RESTURANT 在河邊, 很特別.....就回去了...

明天就回去北愛爾蘭。

遠走高飛-快閃遊 (都柏林, 比利時, 荷蘭, 英國-北愛爾蘭) - Day 6

本來呢買左3 日OFF PEAK 的DAY PASS 既, 不過最后, 因為想省一點錢同覺得成日同老表夾時間返屋企非常煩, 所以呢最后決定了只在DEVENTER 自由走。而且她說今天帶我去MARKET 睇, 所以冇再出去 (出一出去要1小時, 不太想咁樣)。

雖說今早有MARKET, 老表12點才起身-___-, 寄人離下就係咁, 有時有D 錢係不能省。

去了一個本地MARKET, 其實在荷蘭有很多MARKET, 這是其中一個LOCAL 市集, 不過冇旅遊書講過。呢個MARKET 係每逄星期五六才開, 但2-3 點左右就閂門, 而呢個市集係近火車站。

呢個MARKET 有好多野食, 咁如果你要比ROTTERDAM 嗰個, 簡直冇得比較啦!但冇咁多人, 行得舒服好多, 而且以水果菜來說, 呢度係平過ROTTERDAM 的。

而呢度呢條街有D 小店, 可以週圍走走, 附近還有一個CITY HALL,  CHURCH同冇乜圖書的圖書館, 真係冇乜書, 可能用荷蘭文出書的人少呱? 其實點會入左圖書館呢, 因為人有三急, 而歐洲的TOILET 9成都要付費, 就算呢度要我都一定要去一去....好彩唔使!去左TOILET 就參觀下, 重發現星期日臨走之前可以去呢個農場及市集參觀下, 正! 又有一個不見香港人/亞洲人的點。

咁除左MARKET, 呢度有個大貴超市, 如果你問我貴唔貴, 比起香港, 呢度咩野食都平好多。

最后行下公園, 河邊, 影下相, 就完左一日勁HEA 之旅, 明天的行程非常瘋狂!

遠走高飛-快閃遊 (都柏林, 比利時, 荷蘭, 英國-北愛爾蘭) - Day 5

今朝就準備去羊角村, 我個人覺得比起去风車村更值得去。嗰度附近重有個地方係去咩森林, 不過我冇去, 因為要入場票。

因為我買了張OFF PEAK DAILY 的票, 都係網上預訂的, 最好有親友或叫民宿代訂, 因為要POSTAL CODE, 好鬼煩。 所以要過左9點先上得車。

由DEVENTER 去ZWOLLE 轉車, 再由ZWOLLE 轉STEENWIJK 下車 (一小時左右, 但如果你住AMSTERDAM, 你要坐多一個半小時連DELAY) , 再坐巴士。

注意: 巴士半小時一架, MISS 左就大大件事!而巴士不是在火車站嗰個牌 (所以話歐洲D 人好鬼CONFUSING), 要出左站的右邊, 但都要睇你邊度出閘....HA

旅途上認識了一個人, 破壞了我的行程, 因為我冇唸過坐艇, 我唸住快行, 行完出去MIFFY MUSEUM 或者出AMSTERDAM....行。

不過咁講, 坐艇會去左外圍, 腳係走不到的....7歐左右...坐一小時, 比起坐火車去係叫抵。

去完之后, 我就同佢去左AMSTERDAM, 但坐沉船, 坐左架慢火車重要DELAY 左一小時才到AMSTERDAM 之餘, 重要佢唔識行去I LOVE ADMSTERDAM, 結果我係冇去到呢度影想, 雖則影人多過自已影, 但....呢個係地標囉。

回去又DELAY, 所以荷蘭D 火車真係....而且佢DELAY, 就害我差少少轉不到車, 全世界就沖出火車, 跑去另一個月台上車, 重點係....要跑兩條樓梯, 都唔係老...老左真係唔掂。

遠走高飛-快閃遊 (都柏林, 比利時, 荷蘭, 英國-北愛爾蘭) - Day 4

今朝一早就去揾MARY 買, 因為MARY 係BELGIUM 唯一係手造的CHOCOLATE, 机場冇得賣, 分店只有几間, 多在旅客區。(係SALES 講的, 咁我都相信, 因為喺得机場都唔一定係好野)

不過MARY 真係几貴, 又冇得試食,可能我太早來了(其實我昨天都有去, 但冇買)。

買完MARY 呢就去左睇SMURF 的手信店看看, 打個卡就去火車站了。

注意: 又比企堂老點, 因為我問左兩次RAIL PASS 可否去荷蘭, 又係一個話得另一個話唔得, 但我上網看過就叫我去BERDA 轉車係最便宜。但有一個問題就係因為由BRUSSEL CENTRAL 去BERDA(其實呢一程係已踏在荷蘭領土), 所以要補票, 但又勁衰喎, 喺MACHINE 買唔到之外, 又唔會知點樣ONLINE 買, 因為COUNTER 買要另外比多5-10歐左右做手續費..........................😠😠

為左感覺良好一點, 就死都去BERDA 落車, 當去多個地方, 唯一係要拉住個死人大喼行, 很累!

其實唔係因為我個親戚住喺DEVENTER, 基本上喺其他地方去都得, 而且應該會快D, 因為DEVENTER 係唔係人去的地方...HAHAHAA

BERDA 冇咩野睇, 有個大公園, 有間大學, 同有個冇攤的市集, 重有一些小店但名店多。行左個几鐘, 幫人買左D 野, 但原來貴過喺北愛, 所以下次要買HOLLAND B 的東西, 請回英國, 不要在歐洲買。

另外, 由BERDA 去DEVENTER 呢程, 我係在網上買左佢單程DISCOUNT - 12 歐的票 (OFF PEAK), HOLLAND 經常都有呢D 優惠, 但我老表說, 因為多左好多ASIAN, 已經冇3 年前咁平, 因ASIAN 經常濫用優惠, 結果旅客同本地人遭殃!

但如果你有3-4 個人去, 行程一樣就最好買GROUP TICKET了, 咩OV CARD 都不是太好, 我沒有用。

遠走高飛-快閃遊 (都柏林, 比利時, 荷蘭, 英國-北愛爾蘭) - Day 3

上次寫完之後都冇時間再寫, 連BKK 都去左一次都重未寫餘下的7日, 成未...

好啦, 講下第二日的行程, 就係去BRUGGES (布魯日), 呢個地方都几值得去, 如果一丁友係晨型人, 半日都走完, 因為由BRUSSEL CENTRAL 去只要1小時, 而且由BRUGGES 去埋GENT 都只係30分鐘, 但都係嗰句, 呢度呢成鬼日TRAIN DELAY (去得多外國, 真係要講一句 - 還是覺得香港好)。

我八點几去到, 起初唔係好識睇佢地D 指示, 點知我等左一小時, 原來我估我MISS 左之餘佢地又DELAY 左....

呢度有很好小店, 而且呢乾淨, 比起BURSSEL, 感覺安全好多好多, 可能全部都係遊客吧!

有樣野要講既, 係BRUSSLE 地圖要比1歐買(荷蘭都係), 所以我今次係佛系旅遊, 隨心亂走。

咁BRUGGES 呢佢有一個MAP 係教晒你點行既, 基本上用腳都行半日左右, 要睇的同影都可以影晒, 除非你想坐艇, 我就冇坐啦...

食品方面, 好似佢係貴過BRUSSEL 少少, 以WAFFLE 做例子就係, 所以最後去左一間叫KAMA 的地方食野, 類似IKEA, 點知....唸住去個厠所啦喺嗰度, 食左野都要比錢!! 唯有去火車站先去啦, 唉....雖說話當比錢人洗厠所, 但20蚊一次非同小可。

之後呢, 我係冇去GENT, 去埋的話我唸BELGIUM 我會KO 了。

回到BRUSSEL, 有人話黎到BRUSSEL, 點都要食MUSSEL, 揾左好耐都見唔到10歐, 連BEER, 但黎左呢度7歐, 冇BEER(重好因為我不飲酒的)....吃飽回APARTMENT, 準備明天去荷蘭。

*基本上在歐洲, 安全理由我係絶少晚遊。

遠走高飛-快閃遊 (都柏林, 比利時, 荷蘭, 英國-北愛爾蘭) - Day 2

今朝一早就到机場, 不過呢DUBLIN DEPARTURE 安檢非常十分之慢, 如果你係坐超早机(7點前) 就最好預番多少少時間, 但冇計, 我BUDGET 有限, 所以我都係坐巴士。當然根據歐洲的航例45分鐘前CHECK IN 好晒行李就可以, 我好OUT, 可能之前去都係去落後地方又或者香港太好服務, 原來KOREAN 同呢度一樣都已經做SELF CHECK BAG 了, 很自動化。

今次我冇坐RYANAIR 係因為....佢地一個月前話罷工, 你知啦歐洲罷工都唔少野。最后係坐AER LINGUS 的。

終於到了比利時, 但係...外國人右邊的隊以為好快, 最后慢過晒D 歐洲人重等左個几鐘。-___-!!

其實今次我一丁友住APARTMENT, 很貴, 但冇計, 因為我唔可以就咁住HOSTEL, 480元左右一晚, 都要住。鬼叫冇人同我去咩...

其實BRUSSELS 冇咩好行, 如果唔係有人話荷蘭冇野玩3日2晚夠, 去完呢個TRIP, 我覺得荷蘭可以去多D, 不用去BELGIUM。:)

有人話BELGIUM D 野好好味, 睇你追求什麼了, 我不覺得有超水準的平價食店, 哈哈哈...而我個人, 對BELGIUM 係冇乜好感----舊, 污穢。只係喺我個TRIP  ADVISER 到多左一點。

我今次沒有什麼指定要去的, 因為佢地冇英文, 所以溝通上有些少困難之餘都冇乜心机。加上一落机就唔見錢....:( 唔係我比人打劫, 而係我明明在車站問左職員, 話RAIL PASS 可以出市區, 咁唸住慳2 歐, 結果, 寫好入唔到重要比多5 歐几。

重點: RAIL PASS 記左不可用來到机場。(要問起碼3 個人你先好決定任何事情)

由於有D DELAY, 不過半日, BRUSSEL 應該 可以KO, 我去晒要去的重點(小童尿尿, 教堂, PALACE)同食晒要食的東西了.......(一腳走天涯, 三万几步.....啫, 唔使坐巴士)

遠走高飛-快閃遊 (都柏林, 比利時, 荷蘭, 英國-北愛爾蘭) - Day 1

由於不想在机場呆等几個鐘轉机, 又已經係在HELSINKI 轉左, 轉太多次怕最後行李不知所終。所以就在都柏林留了一天。

如果你有去過英國, 其實個人認為都差不多, 因為我相信除了GUINNESS 吸引一些人之外, 其實其他都大同小異, 除非你們去OUTLINE 少少同自駕遊。

而且過都柏林的關都几煩, 問長問短。

今次我住AIRBNB, 3 個星期前個HOST 突然CANCEL, 喺我不知所措之時, 唸住卜酒店定AIRBNB 好, 因為其實佢OFFER REBATE 多几廿蚊都唔到相類似的價錢了。好在找到另一間。

一下机就買左一張24小時LEAP 咭, 係可以不停坐車在CITY 玩, 由於我AIRBNB 去場机都要坐巴士只需15分鐘而且重要倒塔, 所以買一張LEAP 咭係好抵的。

最後去左NATIONAL MUSEUM, PHONEIX PARK, Trinity College and 市中心游走。

如果你要由DUBLIN 出境就要早少少, 佢個SECURITY CHECK 係耐到不得之了, 我差少少都MISS 左我班机。

山竹

😏😏 山竹對我的田來說, 可以話冇咩損失。

反而今次我真係完全咁覺到怕, 係因為上次天鴿都無搖的感覺, 今次有一種害怕, 覺得天鴿簡直係.....NOTHING。

不過大家還好像好驕傲冇死傷, 只係交通大亂爆鬧政府。

1) 冇死傷只係有準備同好彩不是吹正

2) 交通大不大亂, 政府有少少責任但不是全部, 試問如果放你們一天假是否全民一起清理呢? 另外, 要怪我覺得係怪老細不體諒多過政府停不停工。法例係死, 人係生, 其實好多外資公司都不用返OFFICE, 自從SARS 呢單野, 大部份公司都有CONTINGENCY, 不過人們總係忘記過去....要怪就怪你揾左個衰老細。

閃HEA遊清邁-5

呢毎行程都係我來清邁的重點- COOKING CLASS!

我選左好耐, 又要夾價, 又要睇時間因為我地嗰日係7點走旦HKEXPRESS 係要3小時前CHECK IN(但我發覺晏少少都OK 既喺清邁), 結果在机場我們呆了三四個小時。

我不是SELL 呢間野, 只係覺得有D 驚喜。我們是JOIN 左一個全日課, 900B, PAY ON SITE, 咁同埋時間都几FIT, 又話可以送去我机場, 所以都感覺良好。

Smile Organic Farm Cooking School 

早上先去MARKET, 呢個MARKET 都几多人CHECK-IN, 之後都要坐30分鐘車先去到個FARM 煮野, 佢會介紹植物啊, 等等。

煮7 個東西, 我地係唸住, HAHAHA 當埋晚餐架, 重打包左個湯番香港...好疯狂! 最SURPRISE 的係, 加左一個境點, 去FOOT SPA, 呢個地方好多KOREAN TOUR 去...大熱天時浸腳, 原來都舒服..............HAHAHAHA

最後我必須誠意推介机場一個點, 好多LOCAL 買的, 就係ROYAL FARM 的水果, 如果你熟THAILAND 你明的....不是問只要買。:)

閃HEA遊清邁-4

回到清邁就要去几個目標點都是吃, 還要吃素同去社企! 就算所謂貴都一定平過香港, 這是我去旅行的目的。

好在下車的地方同我其中一個TARGET 點很近, 所以決定去一會...這一餐都不便宜, 都要$150, 重要SELF SERVICES, 最貴係杯野, 唯一係冇加SYRUP, 喺THAILAND 好多飲野就算係果汁, 佢地都有個習慣會加SYRUP, 但呢度冇, 但勁貴。@Free Bird Cafe

吃完之後, 我地又要去境點二, 由於都有距離, 所以一定要搭車, 好在遇上一架双倐又願意車我們到最近的位置-CENTRAL PLAZA, 我地不是要去呢度, 只係比較近....既然來到一定要去啦, 港人都愛走MALL 的地方, 有冷氣, 坐左陣先去TARGET 地點....(都坐左成個鐘先行, 因為太熱), 之後去左PUN PUN...係一個COMMUNITY CAFE /FARM, 好多傲嘉年賣架, 唔算貴, 我地又食....素了。原先唸住買PIE 回香港, 佢係入左凍櫃, 唯有堂食...呢度價錢大眾化好多....都係几十蚊港元就有ORGANIC 了。好過之前嗰間HAHAHA

回去PLAZA 再抖下先回酒店, 其實都行到但係...咁熱...都係比錢人賺算了。

我地決定晚上去那個由囚犯做的MASSAGE, 點知被人攔途截劫左, 哈哈, 還很平, 所以就入左去....都唔錯, 但都係撞手神...

最後回酒店休息, 食野, 明天還有一個重點行程。

閃HEA遊清邁-3

話咁快就第三日, 呢間酒店的JAM 係自制的, 還有很多美味水果, 款式還可以, 當然如果要同在市中心那裡比, 呢度係非常好。

早上非常清涼, 我估只有15度左右, 但對我來說一D 都唔凍, 但WAITRESS/WAITER 們要著厚衣。

昨晚做了MASSAGE (其實只係撞手神, 有D 好有D 唔好), 免費是不能有要求。首先, 我昨天去了農場之後我就冇再想去其他的所謂景點, 同胞們有小朋友, 佢地去農場啊, 包車, 我地冇問可否一齊去....一來是怕人介意又怕魚。之後我妹妹想去MARKET, 我地叫左酒店車我地去, 150B 來回, 都好, (其實好Q 近, 行到既), 就去左PAI AIRPORT 隔離一個好LOCAL 的MARKET, 買了些水果留作今晚/午餐。

行左9 個字, 就行完...之後回酒店, 就休息一下, 因為中午到3點都係最熱........在室內HEA。

四點左右出去睇其他酒店RESORT, 因為都几靚, 同去嗰D 包車遊其中一個景點倒立屋, 其實呢度D 景點好鬼人工....遇上內地女就慘, 影呢間屋等左15分鐘, 佢應該就影左咁耐, 大佬咩都影完啦...ON 99....我地來只係純粹"到此一遊", 唔好阻住晒啦....再有一個MARKET 是可以走路去, 咁呢度D MARKET 就掃清左....

玩完就唸住做多次MASSAGE, 話大陸平, 呢度就是天堂了, HKD50 按一個小時...那裡找? 所以我同妹妹天天都按摩HAHAHA

之後就再食野, 其實呢度冇咩野食咋, 來來去去都係嗰几間, 所以3D2N 都夠玩。

明天早上就回清澫了。

閃HEA遊清邁-2

因為我卜左10點的車出發去PAI, 而我又會回到同一間的酒店, 所以我放下無"貴重"的行李出發。

最欣賞係酒店的早餐, 係和食, 又大份, 不過我地好早起來吃, 一來因為去PAI 坐車要3-4小時, 而且灣多路小, 我要吃暈浪丸, 不過其實比起去合歡山好。

酒店早餐

我卜左是有酒店PICK UP 的, 原來佢咁早黎係要PICK UP 埋其他人再去坐另一架車, 所以貴少少但總好過行到隻野。有一個中途站去TOILET, 不經不覺就到了。

我地住的係叫PAI VILLAGE & RESORT, 好得....非常得, 咁啱佢做緊PROMOTION, 係連住兩晚送自家農場遊同MASSAGE, 重有好多其他東東啦....去到還UPGRADE 了我的房間, 感覺超良好。咁啱我地去嗰晚又有NIGHT MARKET, OH YEAH!, 所以先去農場, 再走NIGHT MARKET。

-___= 3 點的清邁還好熱, 還要去農場, 行了15 分鐘就想走了, 之後買了東西就回酒店涼一下。

好多水果, 水果...今次的TRIP 完全係DETOX TRIP。晚上去行NIGHT MARKET, 不過都冇咩啱食。還是去了一間食地度的菜。那，講明，如果你喜歡即食麵的味精味，就叫NOODLE, 因為佢地D NOODLE (SOUP) 係一陣味精, 不論是那一家都係。

晚上去酒店提供的MASSAGE......一般, 但價錢好平。而原本想明天再去DAY TRIP, 最後無去係因為..............太熱, 結果你係估不到我做什麼。

閃HEA遊清邁-1

其實呢個TRIP 已經係講緊3 個月前了, 話說成日比人哦話清邁有几好, 而我都有20年無再踏足泰國呢個地方, 今次去係當一個PRE-TRIP, 下次帶媽爸來自由行。

3月頭去, 以為唔熱, 點知原來過左農曆新年就係最熱的日子, 嗰種熱, 就好似上個月(2018-05) 的酷熱感覺再加多几度, 因為他們不是度度都有大冷氣。

今次我地的行程係簡單到冇人信, 只係去左一兩個景點, 之後就隨心去, 隨心行, 沒有目的地走。

而因為我地閃遊, 所以根本無可能買到最平的机票, 而且所謂最平係要成年前買, 太煩了, 我不會為省少少錢而預早計劃。但最好的COMBINATION 係坐AIRASIA 去, HKEXPRESS 返, 不算最平, 但老老實實, 買埋一位行李, 其實都只係平過CX 600蚊...-___-,  咁辛苦又無野食, 下次同媽爸就坐CX 。

由於我都有做下功課既都唔算HEA, 話當地唱錢會比百年換的更好, 所以最後我都只係唱左$1500 港元先。由机場去我訂呢間酒店, 其實好近, 但除左TAXI 我唸唔到有咩可以代替了...不過最近好似話有巴士啦....:)

TAXI 成為200B(兩位), 5 分鐘車-___-

我下塔的(Haikin Ryokan)酒店外表同內裏表面係OK 的, 但....之後就有D 小插曲(就係竟然有好多插頭但只能同時用最多兩個, 唔係會跳制), 呢間野我地住頭尾晚的。

放下東西, 就去唱錢, 網上介紹SUPER RICH, 問個酒店, 其實好近但佢點左架双條...又唔見100B 不突止, 重要唔係我地想去的嗰間, 一來個RATE 好勁差二來好似D 黑店咁, 結果走左..

最後一來未食飯, 二來好熱, 入左個好豆泥的廣場, 抖一抖同食少少野再去唱錢。.再GOOGLE MAP 下...

豆泥下的飯真係平到我不相信, 9 蚊HKD....................天啊係9蚊喺香港只能食個包。

最後終於唱到錢, 唱完錢第一時間係做另一件事係買車票去PAI, 但記住不要買來回, 因為原來在PAI 直接買比喺市中心買係平20%...=__=! 又蝕左。( 無人教過, 又冇卜講)

買完就又行街, 其實咁Q 焗熱, 行都不想行, 我個妹又鼻敏感發, 因為當地太大塵了。

我地睇書去左一間好DECENT 的食下TEA, 因為真係好熱。咁都好多香港同THAI 黎既, 不過呢度都要$100 蚊啊, 重要杯野真係好失望....SMOOTHIE, 我冇唸過會加SYRUP......什麼料...?! 但個WAFFLE 真係好抵吃, 好大, 我唸香港要DOUBLE 或TRIPLE 價了。

我呢間酒店唯一的好處就係在星期六NIGHT MARKET 隔離, 所以掃完街就可以返去, 唸住浸温泉, 但佢自從變左PRIVATE 之後, 佢又唔洗乾淨個男浴場, 真係"嗅"到唔想浸。

明天去一個好遠的地方。...